Silvi in Hong Kong: Oktober 2010

Freitag, 29. Oktober 2010

International Day

Jedes Semester findet in Lingnan University dr International Day statt. Das isch der Event wo alli Ustuschstudenta en Stand mit ihrem Land hän. Vo da Uni hämmer 3000 HK Dollar (ca, 500 Fr) öberkoh zum dr Stand gstalta und für 300 Lüt essa ikofa. Obwohl i jo eigentlich sött Liachtastah verträta, hani mi denn doch da Schwizer agschlossa. Es wär suss zviel zviel arbet gsi ;) Vo da Schwizer Botschaft hämmer Poster, Videos und Kleider öberkoh. Vom Schwizer Restaurant in Hong Kong hämmer denn Fondueset öberkoh samt Emmentaler Käsmischig. Dr Schwizer stand isch super bi da lüt akoh. Hän a rieeeesa schlanga ka und viel sind sogär 2x ko ;) Allem i allem isch dr ganze Event afach hammer gsi. Koreaner hän tanzet, Pink Panda Band hät gspielt und Chinesa sind am schluss beschwipst gsi vom Dütscha Bier ;)

Üser Schwizer Stand ;) Sogär Rivella und Bündner Nusstorta hämmer ka

Hong Kong Studenta am Fondue Essa

Fast wia ida Schwiez

Nicole und I

Amerikaner hän Sloppy Dog gmacht

Koreaner hän spöter no a super Tanzperformance higleht

Üseri Japaner

Die Deutschen

Miar hän dr International Day definitiv grockt

alli Exchange und Helfer zämma

Dienstag, 26. Oktober 2010

Typhoon Magi

Eigentlich hämmer am letzta Wohaend dr Taifun Magi erwartet. Hämmer doch alli scho ghofft dass Schual usfallt am Fritig. Stattdessa hämmer am Fritig obet där super sunnauntergang ka :) Und Wohaend isch dr klarste Himmel do Hong Kong gsi woni bis jetzt erlebt ha !

Aberdeen und Stanley Beach

Obwohl scho endi Oktober isch, Sunna in Hong Kong git nomol alles und es hät 28 Grad. Drum simmer o letzt Sunntig nomol gi Seela baumla loh ;) Zerst noch Aberdeen, das isch en Fischerhafa met schwimmanda Hüser und Seafood Restaurants und denn zum Stanley Beach. Angeblich dr schönsti und bekanntesti Strand vo Hong Kong :) ou yeees!

Aberdeen Uferpromenade

En mix us Hochmodern und Fischerdorf

Schwimmende Fischerhüsli mit Restuarant

Fischmarkt..sind leider scho spot dra gsi zum där voll und ganz mit zerleba

Fischmarkt

Fraua am Crevetta ussortiera

Xiao gou - kleiner Hund

Staaaaanley Beach Uferpromenada

Stanley Village

Sunnauntergang :) was für en schöna Sunntig obet

Horse Race at Happy Valley

Eeeeendlich und noch ganz viela Versuach hanis zum Hong Kong Horse Race gschaffet. Es isch gad no gliechzietig Oktoberfest gsi. Obwohl das ned wörkli en Ifluss ka hät welli afach billigsti Bier trunka ha anstatt importierte Hofbräuhaus Bier :) Leider hani no a em Obet no ned uf na Pferd gwettet. Ha erst mol gluaget wia das so funktioniert...aber nögst mol gwinnt mis Pferd dafür denn!

Mini Mitstudenta

Das Publikum..sind hauptsächlich nur westlichi Lüt gsi ;)

Tiger Beer

Bald gohts los...Pferd und Reiter ufm Wäg zu da Startlöcher

Der Start

Schnell wie der Blitz...bi kum nohi ko zum luaga

Montag, 25. Oktober 2010

Karen Shengri Kuaile

Letzt Samstig hät Karen us China Mainland Geburtstag gfieret. Us dem Alass simmer voll Fett ad Goldküsta gi Thailändisch essa. Yuuumiiii. Isch echt en schöna Geburi gsi, vor allem no met da Halloween Torta ;D

Geburtstagskind mit Gäst

Mango juice vs. Coconut

Karen der Star des Abends und i

Bevor miar hamganga sind, hani bi dem Mr. no a Ketti met minem Nama maha loh...great!

Sonntag, 17. Oktober 2010

A perfect day on Lamma Island

Am Sunntig isch endlich wedr mol Beach, Natur und Sightseeing ufm Programm gstanda. Desmol simmer noch Lamma Island. Das isch die 3. grösst Insla vo Hong Kong. Döt leben ca. 5000 Fischer, Farmer und Usländer i so richtig herziga Dörfli. Es hät schöni Stränd döta und ka Autos. Gemütlich simmer denn vo Fischerdorf noch Fischerdorf gwandret, hän gflulenzt am Beach und hän en super leckera zNacht i nem Seafood Restaurant gnossa. Es isch afach en PERFEKTA Tag gsi. Uf Lamma kumi sehr es paar mol zruck, obwhol es döt ka Lamas git ;)